Trosolwg o'r swydd

Mae cyfle cyffrous wedi codi o fewn adran cyfrifyddu ariannol Bwrdd Iechyd Addysgu Powys sy'n chwilio am Gyfrifydd Systemau Cyfalaf.

Nod y rôl yw darparu cefnogaeth ariannol ragweithiol ar draws y Bwrdd Iechyd, gan gynghori ar bob agwedd ar Gyfrifyddu Cyfalaf a TAW.

Prif ddyletswyddau'r swydd

Darparu cyngor a chymorth ariannol proffesiynol i ddeiliaid cyllideb o fewn Cyfarwyddiaethau i gyfrannu at gyflawni'r rhaglen gyfalaf.

 Darparu amgylchedd rheoli ariannol cadarn i gefnogi cyfrifoldebau statudol allweddol y Cyfarwyddwr Cyllid ar gyfer cyfrifyddu cyfalaf gan gynnwys cynnal uniondeb y gofrestr asedau sefydlog, sicrhau bod ychwanegiadau, gwarediadau a dilysiadau asedau yn cael eu cynnal yn gywir.

Cyfrifol am ddadansoddi pob cofnod TAW o fewn llyfr cyfrifon y Bwrdd Iechyd wrth baratoi'r ffurflen TAW fisol ar gyfer CThEM a ffurflenni cysylltiedig. Cyfrifol am nodi a diwygio cofnodion i gydymffurfio â chanllawiau CThEM cyn cyflwyno'r ffurflen fisol.

Dylai deiliad y swydd feddu ar sgiliau cyfathrebu da gan y byddwch yn cysylltu â Deiliaid Cyllideb y Gyfarwyddiaethau, gan gynnwys aelodau'r Tîm Gweithredol, Penaethiaid Adrannau Gwasanaeth, personél Archwilio a rheolwyr yn rheolaidd. Yn ogystal, mae'r rôl yn gofyn am sgiliau dadansoddi rhagorol, ac mae'n gyfle gwych i rywun sy'n edrych i ddatblygu ei yrfa ariannol, yn ogystal â chael dealltwriaeth a phrofiad ehangach o wasanaethau'r GIG.

Mae'r gallu i siarad Cymraeg yn ddymunol ar gyfer y swydd hon; Mae croeso cynnes i siaradwyr Cymraeg a / neu Saesneg wneud cais.

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.