Trosolwg o'r swydd

Byddwch yn gweithio fel rhan o dîm o bodiatregwyr cyfredol ym Mhowys a bydd gennych ddiddordeb arbennig mewn rheolaeth y cleifion sydd â risg uchel a gofal clwyfau. Yn hir dymor, byddwch yn cael cyfleoedd i ddatblygu eich gwybodaeth, sgiliau a  chymhwysedd personol arbenigol. Bydd yr ymgeisydd llwyddiannus yn cael cefnogaeth i ennyn cymhwyster rhagnodi annibynnol os nad oes ganddynt un yn barod.

Dylai fod gennych brofiad y gellir eu profi o sgiliau clinigol arbenigol a bod yn awyddus i gymryd rhan weithredol yn cyfrannu at ddatblygiad parhaus ein gwasanaeth. Bydd arnoch angen sgiliau cyfathrebu, cymhelliant a threfnu gwych, ac yn barod i ymdrin â dull hyblyg o weithio er mwyn darparu ansawdd uchel o ofal.

Byddwch yn gyfrifol am gynnal y gwasanaeth gofal clwyfau o ddydd i ddydd, ac yn darparu gwasanaethau podiatreg arbenigol i gleifion ag anawsterau traed o ganlyniad i ddiabetes mewn awyrgylch prysur y clinig. Byddwch yn ymdrin â thechnegau gofal clwyfau a chastio helaeth. Byddwch yn gyfrifol am yr oruchwyliaeth glinigol o aelodau iau'r tîm, myfyrwyr a staff cymorth eraill o fewn y tîm.

Prif ddyletswyddau'r swydd

Nod y gwasanaeth yw galluogi’r cleifion i wneud penderfyniadau gwybodus am sut i reoli eu cyflwr, er mwn iddynt aros mor iach â phosibl cyhyd â phosibl, ac i leihau eu risg o gymhlethdodau sy’n gysylltiedig â diabetes. Mae cleifion yn cael eu hannog i hunan-reoli lle bo’n bosibl.

Bu buddsoddiad sylweddol yn nhîm arweinyddiaeth Proffesiynau Perthynol i Iechyd BIAP sy’n flaengar ac yn arloesol wrth roi strategaethau cyfredol ar waith. Yn ddiweddar, er mwyn cefnogi anghenion iechyd sy’n deillio o’r ffaith bod Powys yn ardal anghysbell yn ogystal â Phandemig Covid 19, rhoddwyd datblygiadau ar waith gan gynnwys cyflawni cofnodion digidol ac ymgynghoriadau fideo, felly nid oes lleoliad pendant yn gysylltiedig â’r swydd hon. 

Mae hon yn swydd llawn amser, ond ystyriwn ymgeiswyr sy’n chwilio am oriau rhan amser neu swyddi rhannol.

Fel rhan o’r swydd hon, bydd rhaid teithio ychydig o amgylch Powys.

Mae’r gallu i siarad Cymraeg yn ddymunol ar gyfer y swydd hon; mae croeso cyfartal i siaradwyr Cymraeg a/neu siaradwyr Saesneg ymgeisio. 

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.