Trosolwg o'r swydd

Mae cyfle cyffrous wedi codi i ymuno â Bwrdd Iechyd Addysgu Powys fel Cynorthwyydd Gweinyddol o fewn ein tîm Gwasanaethau Plant.

Bydd y rôl hon yn bennaf yn cefnogi'r Gwasanaeth Pediatreg Cymunedol, sy'n darparu asesiad, diagnosis a rheolaeth barhaus i blant a phobl ifanc ledled Powys. Darperir y gwasanaeth gan dîm o Bediatregwyr Cymunedol o fewn y Gyfarwyddiaeth Bydwreigiaeth, Iechyd Menywod a Theuluoedd, gan weithio fel rhan o ddull system gyfan i ddiwallu anghenion iechyd plant a phobl ifanc.

Byddwch yn chwarae rhan allweddol wrth sicrhau bod y gwasanaeth yn rhedeg yn esmwyth trwy ddarparu cefnogaeth weinyddol o ansawdd uchel, effeithlon a chyfrinachol i dimau clinigol.

Yn ogystal â chefnogi Pediatreg Cymunedol, byddwch hefyd yn darparu cefnogaeth weinyddol i Wasanaethau Plant ehangach, yn ôl yr angen.

Mae hwn yn gyfle ardderchog i unigolyn brwdfrydig a threfnus ymuno â thîm cyfeillgar a chefnogol, gan gyfrannu at ddarparu gofal o ansawdd uchel i blant, pobl ifanc a'u teuluoedd ledled Powys.

Prif ddyletswyddau'r swydd

• Gweithredu fel pwynt cyswllt cyntaf ar gyfer yr adran. Ateb galwadau ffôn, cymryd negeseuon yn gywir. 

• Ymdrin ag ymholiadau arferol ac arbenigol mewn modd dymunol a chymwynasgar, cyfleu gwybodaeth berthnasol i'r adrannau/person perthnasol, cyfeirio at eraill yn ôl yr angen. 

• Diweddaru systemau electronig a phapur fel WCCIS (System Gwybodaeth Gofal Cymunedol Cymru) a WPAS (System Gweinyddu Cleifion Cymru), casglu gwybodaeth, dosbarthu a chofnodi post ac ati.

• Llungopïo a phrosesu geiriau dogfennau, llythyrau, e-byst, cofnodion ac adroddiadau pan fo angen.

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://pthb.nhs.wales/working-for-us/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.