Trosolwg o'r swydd

Mae're swydd hon am gyfnod penodol/secondiad am 31/03/2026 oherwydd cyfnod mamolaeth.

Os oes diddordeb gyda chi mewn ceisio am swydd secondiad, mae’n rhaid i chi gael caniatad eich rheolwr llinell presennol cyn i chi geisio am y swydd hon.

Ar hyn o bryd mae gennym swydd wag ar gyfer swydd Nyrs Gymunedol Band 5 dros dro yn gweithio 14 awr yr wythnos yn Nhîm Nyrsio Ardal Parc Caia. Swydd dros dro yw hon am 9 mis ar gyfer Absenoldeb Mamolaeth yn dechrau o 15 Mehefin 2025.

Rhaid i’r ymgeisydd llwyddiannus fod yn nyrs gofrestredig gyda thystiolaeth o ddatblygiad proffesiynol parhaus. Rhaid i chi fod yn frwdfrydig a hunan gymhelliol a meddu ar y gallu i weithio fel rhan o dîm yn ogystal ag yn annibynnol. Bydd angen i’r ymgeisydd llwyddiannus feddu ar brofiad cyfnerthol o waith yn y gymuned ac ymwybyddiaeth o'r swyddogaeth sy'n esblygu o fewn Nyrsio Ardal.

Bydd angen i’r ymgeisydd llwyddiannus feddu ar sgiliau cyfathrebu ardderchog ynghyd â’r gallu i roi gofal sy’n glinigol effeithiol yn y Tîm Nyrsio Ardal.

Prif ddyletswyddau'r swydd

Ein nod yw darparu gofal safonol wedi’i gynllunio i’r cleifion. Bydd deilydd y swydd yn gyfrifol am asesu, cynllunio, gweithredu a gwerthuso gofal yn y gymuned. Bydd deilydd y swydd yn gweithio fel rhan o’r tim nyrsio ardal a gydag asiantaethau eraill I ddarparu gofal sy’n effeithiol yn glinigol.

Mae’r gallu i siarad Cymraeg yn ddymunol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.