Trosolwg o'r swydd

Mae cyfle cyffrous wedi codi i Dderbynnydd weithio o fewn Tîm Iechyd Meddwl Cymunedol Wrecsam, wedi'i leoli ym Mhlas Gororau. Disgwylir i ddeiliad y swydd ddarparu cefnogaeth dderbynfa a chlerigol gynhwysfawr i'r Gwasanaeth Iechyd Meddwl, gan ddangos modd cwrtais, proffesiynol a sensitif bob amser. Disgwylir i ddeiliad y swydd flaenoriaethu, rheoli ei amser a dangos gradd uchel o hyblygrwydd.

Mae'r gallu I siarad Cymraeg yn hanfodol ar gyfer y swydd hon.

Prif ddyletswyddau'r swydd

Oherwydd natur y dyletswyddau, bydd gofyn i ddeiliad y swydd gynnal cyfrinachedd llym a disgwylir iddo ddelio â chleifion, gofalwyr, perthnasau, staff meddygol/clinigol a defnyddwyr gwasanaeth eraill dros y ffôn ac wyneb yn wyneb gyda chwrteisi a disgresiwn bob amser. Bydd deiliad y swydd yn archebu apwyntiadau ac yn delio ag ymholiadau cleifion, felly mae angen sgiliau cyfathrebu rhagorol a dull ffôn hyderus. Mae angen sgiliau TG hyfedr (gan gynnwys profiad o Microsoft Office) hefyd gan y bydd deiliad y swydd hefyd yn ymgymryd ag amrywiaeth o ddyletswyddau gweinyddol i gynorthwyo gyda rhedeg y practisau o ddydd i ddydd yn esmwyth, gan gynnwys rhywfaint o fewnbynnu data. Bydd gan yr ymgeisydd delfrydol brofiad o weithio mewn lleoliad gofal iechyd neu amgylchedd gwasanaeth cwsmeriaid ond gellir rhoi hyfforddiant llawn i'r ymgeisydd cywir.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.