Trosolwg o'r swydd

Rydym yn chwilio am unigolyn cyfeillgar, dibynadwy i ymuno â'n Tîm yn y Gwasanaethau Di-haint.

Bydd angen i chi gael agwedd hyblyg ‘gallu gwneud’ a gweithio o fewn holl feysydd cynhyrchu’r adran. Yn ogystal, yn ddelfrydol bydd gennych brofiad o weithio mewn maes sydd â Systemau Rheoli Ansawdd yn eu lle.  

Prif ddyletswyddau'r swydd

Mae oriau llawn-amser ac rhan-amser ar gael. Shifftiau/Oriau: Gweithio rhwng 2pm a 10pm, Dydd Llun i Ddydd Gwener, a/neu 9am i 5pm ar ddydd Sadwrn/Sul, neu 5pm i 10pm ar gyfer oriau rhan-amser. Gofynnir i chi wneud cais dim ond os yw'r oriau hyn yn addas i chi ac os gallwch weithio ar benwythnosau.

Fel rhan o dîm byddwch yn ymgymryd â dadheintio, prosesu a pharatoi pecynnau, hambyrddau theatr, offeryniaeth a mân eitemau. Mae'r swydd hon hefyd yn cynnwys cynorthwyo gyda rheoli storfeydd, sterileiddio pob pecyn, profi offer sylfaenol a darparu gwasanaeth casglu a danfon.

Mae'r gallu i siarad Cymraeg yn ddymunol ar gyfer y swydd hon; Mae croeso cyfartal i siaradwyr Saesneg a/neu Gymraeg wneud cais.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.